Ambasadori i ShBA-së në Kosovë, Greg Delawie ka komentuar akuzat e disa qytetarëve të Kosovës ndaj ministrit të ri të Bujësisë, Nenad Rikalo se ai i ka keqtrajtuar gjatë luftës së fundit në Kosovë.

Delawie ka thënë se e kupton se lufta është periudhë e ndjeshme për secilin në Kosovë, mirëpo siç ka thënë, nuk mund të deklarohet në lidhje me këtë çështje derisa të përmbyllen hetimet, shkruan arbresh.info.

“Parimi i parë në çdo demokraci është pafajësia derisa të provohet fajësia dhe mendoj se kjo duhet definitivisht të vlejë për këtë rast. Nuk e kam patur ende rastin të njoftohem me ministrin Rikallo. Nuk di asgjë rreth kësaj, përpos informatave që janë dhënë për publikun, por e di se lufta është periudhë e ndjeshme për secilin në Kosovë. Do të shpresoja që akuzat kundër kujtdo të jenë të bazuara mirë, jo vetëm akuza nxitëse që janë taktikë standarde komuniste si në ditët e vjetra dhe shpresoj se askush nuk dëshiron të kthehet në atë kohë. Me sa e kam kuptuar nga shtypi, autoritetet e Kosovës janë duke i hetuar këto pohime dhe mendoj se duhet të përmbyllen hetimet dhe pastaj konkluzat duhet të nxjerren në bazë të tyre”, ka thënë Delawie në një intervistë për Koha Ditore.

/arbresh.info/